Sunday, April 22, 2012

നിശാഗന്ധി





ഇതളുകളുടെ സൌരഭ്യം രാവില്‍ പകരാന്‍ 


ഇന്ന് നിശാഗന്ധി വിരിഞ്ഞില്ല ..


ഇന്നലെ രാത്രിയിലെ


ഏതോ മണിക്കൂറില്‍ അത് മണ്ണടിഞ്ഞു...


നിലാവിനെയും നക്ഷത്രങ്ങളെയും 


നിശബ്ദമായി പ്രണയിച്ചു മരിച്ച എന്റെ കൂട്ടുകാരി ..




പുല്‍മേടുകളില്‍ തന്റെ അടക്കാനാവാത്ത പ്രണയം പകര്‍ന്ന 


കുളിരിന്റെ കണങ്ങള്‍, പൂവായി വിരിയുന്നു ...


പകലിന്റെ താപത്തില്‍ , 


തന്റെ പ്രണയിനിയുടെ മാറില്‍ ഉരുകി അലിയുമെന്ന്,


അറിയാതെ പോയ മറ്റൊരു പ്രണയം ...


ഇനിയും ഒന്നുമറിയാതെ പ്രണയം വിരിയുകയും കൊഴിയുകയും ചെയ്യുന്നു ...

Leave a comment